ٹک ٹاکر وزیر اعلیٰ کی کوئی پرفارمنس نہیں،پنجاب اسمبلی میں اپوزیشن لیڈر کی مریم نواز پر کڑی تنقید

لاہور(سٹاف رپورٹر)پاکستان تحریک انصاف(پی ٹی آئی)کے رہنما اور پنجاب اسمبلی میں اپوزیشن لیڈر ملک احمد خان بھچر نے پنجاب حکومت پر تنقید کرتے ہوئے کہا ہے کہ ٹک ٹاکر وزیر اعلیٰ کی کوئی پرفارمنس نہیں،میو ہسپتال واقعہ کا پول کھل گیا،پنجاب کے سب سے بڑے ہسپتال میں یہ صورتحال ہے تو دیگر ہسپتالوں میں صورتحال کیا ہو گی؟ٹک ٹاکر وزیر اعلیٰ تمام رقوم اشتہارات پر لگا رہی ہیں۔
”پاکستان ٹائم“کے مطابق اپوزیشن لیڈر پنجاب اسمبلی ملک احمد خان بھچر نے میڈیا سے گفتگو کرتے ہوئے کہا کہ میو ہسپتال میں پیش آنے والا واقعہ افسوسناک ہے،ان کی حقیقت سامنے آ رہی ہے اور پول کھل گیا ہے،ٹک ٹاکر وزیر اعلیٰ کی کوئی پرفارمنس نہیں،مریم نواز نے سرکاری فنڈز سے صرف اشتہارات دئیے،میو ہسپتال میں ایک پروفیسر کو کہہ رہی ہیں گرفتار کروا دوں گی،آپ چیف ایگزیکٹو ہیں اور جعلی ہیں تو استاد کے متعلق یہ بات کر رہی ہیں؟ایک ایم ایس نے پہلے ہی استعفیٰ دیدیا تھا،ہم نے اکتوبر میں بتایا تھا میو سپتال میں تین ارب کی ادویات کی کمی ہے۔انہوں نے کہا کہ ایم ایس وزیر اعلیٰ کو خط نہیں لکھ سکتے وہ سیکرٹری کو بتائے گا،میو ہسپتال میں دو لوگ غلط انجکشن سے وفات پا چکے ہیں،چار کی حالت تشویشناک ہے،اتنا بڑا بلنڈر ہے بی بی کی بے وقوفی سے پردہ اٹھنا تھا،پنجاب میں گڈ گورننس کا پردہ چاک ہوا ہے،میو ہسپتال میں یہ صورتحال ہے تو پنجاب میں کیا صورتحال ہو گی؟ڈسٹرکٹ تحصیل ہسپتالوں میں پوچھا ہے،کیا وہاں ادویات مل رہی ہیں؟سرکاری ہسپتالوں میں او پی ڈی سروس کم ہوئی ہے،پچھلے سال کے مقابلے میں پندرہ فیصد او پی ڈیز کم ہوئی ہے تو اس کا مطلب ہے کہ ہسپتال کی کارکردگی بہتر نہیں ہے، بلز پر ترامیم دیدی ہیں تو وہ اسے بلڈوز کر دیں گے۔

ملک احمد خان بھچر کا کہنا تھا کہ وہ کہتی ہیں خواتین ریڈ لائن ہیں تو وہ ریڈ لائن کراس کر چکی ہیں،اسلام آباد میں خواتین کو سڑکوں پر روندا گیا،ستھرا پنجاب منصوبے میں کرپشن کی جا رہی ہے،ریڑھی کا تماشا لگا کر لوگوں کی آنکھوں میں دھول جھونکی جا رہی ہے،ڈاکٹر شہریار روپوش ہیں،ان کا ہسپتال بند کر دیا گیا،ڈاکٹر شہریار نے بی بی کی کارکردگی دکھائی ہے،حکومت کے پاس اشتہار بازی کے علاوہ کوئی چیز نہیں،یہ لوگ ساڑھے بارہ کروڑ کے صوبہ کیسے چلا رہے ہیں؟یہ چیف مارشل لاء ایڈمنسٹریٹر اور فارم 47 کی وزیر اعلی ہیں،اگر کارکردگی بہتر ہوتی تو اشہارات کا سہارا نہ لینا پڑتا،یہ لوگ خود نمائی و اشتہار کے لیے پنجاب کو مسائل میں جھونک رہے ہیں۔