اسلام آباد(بیورو رپورٹ)صدر مملکت آصف علی زرداری کے پارلیمنٹ کے مشترکہ اجلاس سے خطاب کے موقع پر اپوزیشن کے شور شرابے اور ہنگامہ آرائی پرپاکستان پیپلز پارٹی کے چیئرمین بلاول بھٹو زرداری بھی بھڑک اٹھے۔
”پاکستان ٹائم“کے مطابق بلاول بھٹو زرداری نے پارلیمنٹ میں گفتگو کرتے ہوئے کہا کہ اپوزیشن کے رویے سے لگتا ہے کہ انہیں عوامی مسائل میں کوئی دلچسپی نہیں،آج اپوزیشن کا شورہوتا رہا اور صدر نے اپنی تقریرجاری رکھی،آج صدر زرداری نے تاریخی خطاب کیا ہے،آصف زرداری پہلے صدر ہیں جنہوں نے آٹھویں بار پارلیمان سے خطاب کیا،صدر مملکت نے اپنے خطاب میں حکومت کی معیشت میں بہتری کے حوالے سے تعریف کی،صدر مملکت نے مسائل کے ساتھ نشاندہی بھی کی۔چیئرمین پیپلز پارٹی نے کہا کہ افسوس سے کہنا پڑ رہا ہے کہ اپوزیشن غیرسنجیدہ ہے،اپوزیشن کے رویے سے لگتا ہے کہ انہیں عوامی مسائل میں کوئی دلچسپی نہیں،اپوزیشن کیلئے عوامی مسائل کا حل ان کی ترجیح نہیں ہے، اپوزیشن کا مقصد صرف اپنی سیاست چمکانا ہے،آج اپوزیشن کا شور ہوتا رہا اور صدر نے اپنی تقریر جاری رکھی، وفاق کا نمائندہ ہونے کی حیثیت سے انہوں نے وفاق کو خبردار کیا،دریائے سندھ سے نہریں نکالنے کے یکطرفہ فیصلے پر بات کی،صدر نے واضح کر دیا ہے کہ وہ اس پالیسی کو سپورٹ نہیں کرینگے،صدر نے حکومت سے مطالبہ کیا کہ اس متنازع منصوبے کو ترک کریں۔
