The Trump administration is weighing a significant expansion of travel restrictions that would impact citizens from dozens of countries, according to an internal memo and sources familiar with the discussions

وہ 41 ممالک جن پر امریکی حکومت سفری پابندیاں لگانے جا رہی ہے،پاکستان شامل ہے کہ نہیں؟جانئے

واشنگٹن(مانیٹرنگ ڈیسک)ٹرمپ انتظامیہ نے پاکستان سمیت متعدد ممالک پر سفری پابندیاں عائد کرنے کی تیاریاں کر لیں۔
امریکی میڈیا کے مطابق ٹرمپ انتظامیہ 43 ممالک کے شہریوں پر سفری پابندیاں عائد کرنے پرغور کر رہی ہے۔نئی سفری پابندیوں کے تحت مختلف ممالک کو 3 گروپس میں شامل کیا جائے گا۔پہلے ریڈ گروپ میں افغانستان،بھوٹان، کیوبا،ایران،شمالی کوریا سمیت 11 ممالک شامل ہیں۔دوسری فہرست میں جسے اورنج لسٹ کا نام دیا گیا ہے پاکستان اور روس سمیت 10 ممالک شامل ہیں۔ییلو فہرست میں 20 ممالک شامل ہیں۔ریڈ لسٹ میں شامل ممالک کے شہریوں پر مکمل سفری پابندیاں عائد ہوں گی۔اورنج لسٹ میں شامل ممالک کے شہریوں کے امیگرنٹ اور سیاحتی ویزے محدود کیے جائیں گے جبکہ کاروباری مسافروں کو کچھ شرائط کے ساتھ امریکا میں داخلے کی اجازت دی جا سکتی ہے۔جن ممالک کو ریڈ لسٹ میں شامل کیا جا سکتا ہے ان میں افغانستان،بھوٹان،کیوبا،ایران،لیبیا،شمالی کوریا،شام،سوڈان، سومالیہ،وینزویلا اور یمن شامل ہیں۔چاڈ،ڈومینیکا اور لائبیریا سمیت 20 ممالک کو یلو لسٹ میں شامل کرنے پر غور کیا جا رہا ہے۔ان ممالک کے شہریوں کے پاس ویزا درخواست کے حوالے سے کسی قسم کے تحفظات کو دور کرنے کے لیے 60 روز ہوں گے۔ٹرمپ نے اپنے پہلے دور صدارت میں بھی متعدد مسلم ممالک کے شہریوں پر امریکا میں داخلے پر پابندی لگانے کے 3 ایگریکٹو آرڈر پر دستخط کیے تھے۔اس پابندی کو مسلم بین کہا جاتا تھا۔ایک امریکی عہدیدار نے نام ظاہر نہ کرنے کی شرط پر بتایا کہ سفری پابندی کی فہرستوں میں رد و بدل بھی ہو سکتا ہے۔

اس خبر پر اپنی رائے کا اظہار کریں

اپنا تبصرہ بھیجیں