سری نگر(مانیٹرنگ ڈیسک)غزہ کے قاتل اسرائیلی وزیر اعظم نیتن یاہو اور گجرات کے قاتل بھارتی وزیر اعظم نریندر مودی کا گٹھ جوڑ بے نقاب، 20 اسرائیلی اہلکار مقبوضہ کشمیر پہنچ گئے۔
”پاکستان ٹائم“کے مطابق اسرائیل انڈیا ’بھائی بھائی‘کا نعرہ سچ ثابت ہوا،فلسطین کے نہتے مسلمانوں پر ظلم و ستم ڈھانے کے بعد اسرائیل کا مودی سرکار کے ساتھ مذموم گٹھ جوڑ منظر عام پر آ گیا،پہلگام حملے کے پسِ پردہ ایجنڈا واضح طور پر بھارتی جنگی جنون کو مزید بڑھانا تھا۔مصدقہ اطلاعات کے مطابق 15 سے 20 اسرائیلی اہلکار سری نگر اور مقبوضہ جموں و کشمیر پہنچ چکے ہیں جوکہ تکنیکی ساز و سامان سے لیس ہیں،اسرائیلی اہلکاروں کی سری نگر میں آمد انتہائی تشویش ناک اور پاکستان کے خلاف مذموم مہم جوئی کی سہولت کاری ہے۔ذرائع کا کہنا ہے کہ مقبوضہ جموں و کشمیر میں مودی سرکار پہلے ہی اسرائیلی طرز کی پالیسی اختیار کرتے ہوئے کشمیریوں کا قتل عام کر رہی ہے، اسرائیل اور مودی کا گٹھ جوڑ عالمی سلامتی کے لیے بہت بڑا خطرہ بن چکا ہے۔
