اسلام آباد(نیوز رپورٹر )سینٹ میں قائد حزب اختلاف ڈاکٹر شہزاد وسیم نے سائفر کی تحقیقات کا مطالبہ کردیا،سینٹ میں اظہار خیال کرتے ہوئے کہ یہ رجیم چینج تبدیلی کے مجرم ہیں،تحقیقات کرائیں کہ سائفر کی حقیقت کیا تھی۔
سینیٹ کا اجلاس چئیرمین صادق سنجرانی کی زیرصدرات ہوا،قائد خزب اختلاف ڈاکٹر شہزاد وسیم نے اظہار خیال کرتے ہوئے کہا کہ گزشتہ دنوں میں آئین قانون پارلیمان جمہوریت سب کے چہرے سے نقاب اتر گیا،آئین قانون پارلیمان جمہوریت سے کس طرح کھیلا جاتا ہے؟جمہوریت میں سے جمہور نکال کر بچہ جمہورا بٹھا دیا،ایوان میں قانون لاکر اسے بلڈوز کرتے ہیں،بولنے نہیں دیتے،انہوں نے این آر او 2 کا قانون یہاں بلڈوز کیا،انہوں نے بڑی تیزی سے اپنے کیسز دفن کر کے ساتھ معیشت کو دفن کیا ہے،ایون فیلڈ کو ایک استعارہ بنا کھڑا ہے انکے پاس منی ٹریل نہیں ہے۔
انہوں نے مزید کہا کہ آڈیو لیکس نے مہر ثبت کر دی ہے،آڈیو لیکس میں ثابت ہوا کہ انکے بزنس مفادات پاکستان کے مفاد سے افضل ہیں،اپنی مشین بھارت سے منگوانی ہے ،آج کسان سڑکوں پر ہے لیکن حکومت ٹس سے مس نہیں ہو رہی،عمران خان کی قیادت میں پاکستانی قوم نے فیصلہ کر لیا ہے کہ وہ اپنی حالت کو خود بدلیں گے اور جمہوریت میں جمہور ہی کی آواز بلند ہوگی،اپنی چوری کی معافی پر مٹھائیں کھلائی جارہی ہیں،اس حکومت کی کوئی اخلاقی اتھارٹی باقی نہیں رہی،ہم بوکھلاہٹ کا شکار نہیں،حکومت بوکھلاہٹ کا شکار ہے،یہ رجیم چینج تبدیلی کے مجرم ہیں،تحقیقات کرائیں کہ سائفر کی حقیقت کیا تھی؟ہم سائفر پر ایوان میں بحث کرنے کے لئے تیار ہیں۔
