لاہور(عبداللہ فاروقی سے)پاک انگلینڈ ٹی ٹونٹی سیریز کے آخری مقابلے میں انگلینڈ نے پاکستان کو67 رنز سے شکست دے کر سات میچوں کی سیریز چار، تین سے جیت لی،210 رنز کے تعاقب میں پاکستانی ٹیم 142 رنز بناسکی،شان مسعود 56،خوشدل شاہ 27 ،افتخار احمد 19 رنز بناکر نمایاں رہے۔بابر اعظم، محمد رضوان،آصف علی ڈبل فگر میں داخل نہ ہوسکے۔
تفصیلات کے مطابق کے مطابق انگلینڈ کی جانب سے بنائے جانے والے 209 رنز کے تعاقب میں پاکستانی ٹیم مقررہ اوورز میں 142 رنز ہی بنا سکی۔پاکستان کی جانب سے شان مسعود 56 رنز بنا کر نمایاں بلے باز رہے،پاکستان نے ہدف کا آغاز مایوس کن انداز میں کیا اور پہلے ہی اوور میں کپتان بابراعظم کرس ووکس کو وکٹ دے گئے،بابراعظم نے آوٹ ہونے سے قبل ایک چوکا بھی لگایا اور انفرادی سکور میں مزید اضافہ نہیں کرپائے۔دوسرے اوور میں ٹوپلی کی نے محمد رضوان کی وکٹیں اڑائیں،جنہوں نے صرف ایک رن بنا رکھا تھا۔افتخاراحمد اور شان مسعود نے سکور آگے بڑھایا لیکن تجربہ بلے باز ایک آسان چانس ملنے باوجود ٹیم کو مشکل سے نکالنے میں ناکام ہوئے اور 19 رنز بنا کر آوٹ ہوئے۔پاکستان کی تیسری وکٹ گری تو سکور 33 رنز تھا۔خوشدل شاہ اور شان مسعود نے سکور 86 رنز تک پہنچایا لیکن عادل رشید کی گیند پر خوشدل وکٹ گنوا بیٹھے۔خوشدل شاہ نے 25 گیندوں پر ایک چوکے اور ایک چھکے کی مدد سے 27 رنز بنائے۔آصف علی کو بڑی اننگز کھیلنے کا ایک اور موقع ملا لیکن ناکام ہوئے اور صرف 7 رنز بنا کر کرس ووکس کی گیند پر آوٹ ہوگئے۔شان مسعود نے 38 گیندوں پر نصف سنچری مکمل کی لیکن ٹیم کے کام نہ آسکی۔محمد نواز 125 کے سکور پر آوٹ ہوئے اور 9 رنز بنائے۔شان مسعود نے سب سے زیادہ 56 رنز بنائے اور کرس ووکس کی گیند پر عادل رشید کے ایک اچھے کیچ کے نتیجے میں آوٹ ہوگئے۔انگلینڈ کی جانب سے آخری اوور کرانے کے لیے ڈیوڈ ویلی آئے اور پہلی ہی گیند پر محمد وسیم کی وکٹ گرادی،جو پاکستان کی آٹھویں وکٹ تھی۔پاکستان نے مقررہ اوورز میں 8 وکٹوں پر 142 رنز بنائے اور میچ 67 رنز سے ہار گیا۔انگلینڈ کے کرس ووکس نے 3 کھلاڑیوں کو آوٹ کیا، ڈیوڈ ویلی کو دو وکٹیں ملیں۔
اس سے قبل قذافی سٹیڈیم میں کھیلے جانے والے میچ میں انگلینڈ نے مقررہ 20 اوورز میں تین وکٹوں کے نقصان پر209 رنزبنائے تھے اور جیت کے لیے 210 رنز کا ٹارگٹ دیا تھا۔انگلینڈ کی جانب سے اوپنر الیکس ہیلز آوٹ ہونے والے پہلے بلے باز تھے،اوپننگ شراکت میں 39 رنز بنانے کے لیے بعد 3 چوکوں کی مدد سے 18 رنز بنا کر آوٹ ہوئے۔سیریز کے چھٹے ٹی20 میں بہترین بیٹنگ کا مظاہرہ کرنے والے فل سالٹ 12 گیندوں پر 20 رنز بنا کر آوٹ ہوئے تاہم انہیں شاداب خان نے رن آوٹ کیا۔بین ڈوکیٹ نے اچھی بیٹنگ کی اور ڈیوڈ ملان کے ساتھ مل کر سکور 101 رن تک پہنچایا مگر محمد رضوان نے رن آوٹ کے ذریعے پاکستان کو وکٹ دلائی۔بین ڈکٹ 19 گیندوں پر 3 چوکوں اور ایک چھکے کی مدد سے 30 رنز بنا کر آوٹ ہوئے۔ڈیوڈ ملان اور ہیری بروکس نے 108 رنز کی شان دار شراکت قائم کی اور اس دوران ملان نے نصف سنچری بھی مکمل کی۔انگلینڈ نے مقررہ 20 اوورز میں 3 وکٹوں پر 209 رنز بنائے۔پاکستان کی جانب سے واحد وکٹ محمد حسنین نے حاصل کی۔
واضح رہے کہ پاکستان کے کپتان بابر اعظم نے ٹاس جیت کر انگلینڈ کو پہلے بیٹنگ کی دعوت دے دی تھی۔انگلینڈ کے خلاف آخری ٹی ٹونٹی انٹرنیشنل میچ کے لیے قومی کرکٹ ٹیم میں چار تبدیلیاں کی گئی ہیں۔وکٹ کیپر اور بلے باز محمد رضوان، خوشدل شاہ، فاسٹ بولرز حارث روف اور محمد حسنین کی فائنل الیون میں واپسی ہوئی ہے جب کہ محمد حارث،حیدر علی،عامر جمال اور شاہنواز دھانی کو آج آرام دیا گیا ہے۔پاکستان اور انگلینڈ کے درمیان سات ٹی ٹوئنٹی میچز پر مشتمل سیریز کے ابتدائی 4 میچ کراچی میں ہوئے ہیں جب کہ لاہور میں شیڈول تین میچز میں سے آج فائنل مقابلہ تھا ۔
