سائفر حقیقت تھا اسی لیے قومی سلامتی کمیٹی میں لایا گیا: شیخ رشید

راولپنڈی(سٹاف رپورٹر) سابق وزیر داخلہ شیخ رشید نے کہا ہےکہ سائفر حقیقت تھا اسی لیے قومی سلامتی کمیٹی کی میٹنگ میں لایا گیا۔

ایک بیان میں شیخ رشید نے کہا کہ مہنگائی مزید 30 فیصد بڑھ گئی ہے،آڈیو ویڈیو، سائفر غریب کا مسئلہ نہیں البتہ سائفر حقیقت تھا اسی لیے قومی سلامتی کمیٹی کی میٹنگ میں لایا گیا۔انہوں نے کہا کہ امید ہے 10 اکتوبر کو لانگ مارچ کا بگل بج جائے گا اور پھر راج کرے گی خلق خدا،سیاست کا تناو اور ٹکراو کسی طرف جا سکتا ہے۔شیخ رشید کاکہنا تھاکہ حکومت ضمنی الیکشن سے بھاگ رہی ہے۔