اسلام آباد(وقائع نگار )براڈ شیٹ انکوائری کیس میں پیش رفت سامنے آئی ہے، قومی احتساب بیورو (نیب)کے سابق چیئرمین نوید احسن کو وفاقی تحقیقاتی ادارے ایف آئی اے نے طلب کر لیا۔
ایف آئی اے کی جانب سے لیگل کنسلٹنٹ نیب احمر بلال صوفی کو بھی طلبی کا نوٹس جاری کیا گیا ہے۔دونوں نیب کے سابق افسران کو پہلے بھی نوٹس بھجوائے جا چکے ہیں۔اس سے قبل ان دونوں افراد کو 11 اکتوبر اور 12 اکتوبر کو طلب کیا گیا تھا۔دونوں افسران اب تک انکوائری میں شامل ہونے سے گریزاں ہیں۔واضح رہے کہ براڈ شیٹ کا کیس 2010 میں رجسٹرڈ ہوا تھا، جبکہ اپریل 2021 میں یہ کیس ایف آئی اے کو بھیجا گیا تھا۔
