اسلام آباد(سٹاف رپورٹر )عوامی مسلم لیگ کے سربراہ شیخ رشید احمد نے کہا ہے کہ راولپنڈی میں ہونے والی میٹنگ پاکستان کےلئے خوش آئند ثابت ہوگی،حکومت نے ملک کاسیاسی اورمعاشی دیوالیہ نکال دیاہے،ہمیں اسمبلی اس لیے لاناچاہتے ہیں کہ نوازشریف کی تاحیات نااہلی پرڈیل ہوسکے۔
سماجی رابطوں کی ویب سائٹ ٹوئٹر پر شیخ رشید احمد نے کہا کہ 10روزمیں فائنل راونڈ ہوگا،اکتوبرنومبر فیصلہ کن ہوگا،لانگ مارچ یاالیکشن کی تاریخ،ایک کاہوناضروری ہے۔ایک اور ٹویٹ میں ان کا مزید کہنا تھا کہ ریاستی ادارے مظلوم عوام کےساتھ ہوتے ہیں،ظالموں کےساتھ نہیں،نیب کی عدالتیں4اورکیس3رہ گئے ہیں،ڈارکوآئی ایم ایف اور دنیا سے کچھ نہیں ملا نہ ڈالر ہے نہ تنخواہ دینے کے پیسے ہیں،بجلی کے بعد سردیوں میں گیسں کابحران سر پرآگیا،اسمبلی کی عزت نہ ہو تو ٹرن آوٹ کم ہوتا ہے،رانا ثنااللہ حکومت کو لے ڈوبے گا۔
