پشاور(وقائع نگار)خیبر پختونخوا کے بڑے دینی مدارس سے وابستہ علما ئے کرام اور مفتیان عظام نے ایک بار پھر جرات مندانہ قدم اٹھاتے ہوئے دہشت گردوں اور دہشت گرد کارروائیوں کے خلاف فتویٰ جاری کردیا۔
’پاکستان ٹائم ‘ کے مطابق دارالعلوم سرحد پشاور، جامعہ دارالعلوم حقانیہ، تنظیم المدارس، وفاق المدارس العربیہ، ربط المدارس، وفاق المدارس اسلفیہ، وفاق المدارس الشیعہ، جامع تعلیم القران،پاکستان علما ءکونسل خیبر پختوا نے دہشت گردکاروائیوں کو مسترد کر دیا۔علماءنے حالیہ اسلام آباد کے نام نہادعالم اور دہشت گرد تنظیم کے سربراہ کے حوالے سے اپنا واضح موقف دے دیا۔علماءکرام نے کہا ہے کہ جہاد کا اعلان اسلامی ریاست کا سربراہ کر سکتا ہے، ہر شخص کو جہاد کے اعلا ن کا حق نہیں، قانون کی پاسداری سے گریز کرنا شرعاََ ناجائز ہے۔فتوی میں مختلف حدیث نبویﷺ کا بھی حوالہ دیا گیا ہے۔علماءکرام نے فتوی میں کہا ہے کہ اسلامی ریاست کے دفاع کرنے والوں پولیس اور فوجی اہلکاروں کے خلاف ہتھیار ا±ٹھانا اور اعلانِ جنگ کرنا شرعاََ ناجائز ، حرام اور ریاست کی اطاعت کی خلاف ورزی ہے۔فوجی جوان اور پولیس اہلکار پاکستان کی حفاظت کرتے ہوئے اگر مارے جائیں تو شہید ہیں۔علماءنے کہا ہے کہ حاکم ِ وقت کے خلاف خروج بغاوت ہے۔ اس کے مرتکبین سزا کے مستحق ہیں۔ اسلامی ریاست کے اندر کسی قسم کا فتنہ و فساد ریاست کے خلاف کسی بھی قسم کی محاز آرائی، لسانی، علاقائی، مذہبی، مسلکی اختلافات اور قومیت کے نام پر تخریب و فساد پھیلانا شریعت کی رو سے جائز نہیں، جو شخص ایسا کرے گا وہ پاکستان کے دستور قانون سے بغاوت ہو گا اور جو ایسا کرے گا وہ سزا کا مستحق ہو گا۔
