ریاض (ویب ڈیسک) سعودی وزارت حج و عمرہ کے مطابق امسال ایک کروڑ 3 لاکھ 51 ہزار 731 عازمین نے عمرہ کی سعادت حاصل کی ہے ۔
”پاکستان ٹائم “کے مطابق سعودی وزارت حج و عمرہ کی جانب سے امسال عمرہ زائرین سے متعلق اعدادو شمار جاری کیے گئے ہیں، جن میں کہا گیا ہے کہ اس سال ایک کروڑ 3 لاکھ 51 ہزار 731 عازمین نے عمرہ کی سعادت حاصل کی ہے جن میں سے تقریباً 50لاکھ غیرملکی عازمین تھے ۔
سعودی وزارت حج اور عمرہ کی جانب سے جاری بیان کے مطابق جولائی 2022 کے آخر میں شروع ہونے والے اسلامی سال کے دوران 43 لاکھ 29 ہزار349 عازمین طیارے کے ذریعے پہنچے ، زمینی راستے سے 5 لاکھ 7 ہزار 430 بذریعے سڑک جبکہ 3 ہزار985 سمندری راستے سے عمرے کی ادائیگی کے لیے پہنچے۔
مجموعی طور پر ایک کروڑ، 3 لاکھ 51 ہزار731 عازمین کنگ عبدالعزیز ائیرپورٹ سے مدینہ منورہ پہنچے اور مسجد نبوی ? اور روضہ رسول ? پر حاضری دی۔
