لندن(مانیٹرنگ ڈیسک ) انگلینڈ ویمن کرکٹ ٹیم کی کھلاڑی ”ڈینیئل وائٹ “نے انگلینڈ کی ہی خواتین بیس بال ٹیم کی ہیڈ اور اپنی گہری دوست ”جارجی ہوج “سے شادی کرلی ہے۔
”پاکستان ٹائم “نے غیر ملکی خبر رساں ادارے کے حوالے سے بتایا کہ انگلینڈ ویمن کرکٹ ٹیم کے لیے 150 کے قریب ٹی ٹوئنٹی اور 100 سے زائد ون ڈے میچ کھیلنے والی سٹار کھلاڑی ڈینیئل وائٹ اور ویمن فٹبال ٹیم کی ہیڈ جارج ہوج 2019 سے ایک ساتھ رہ رہی ہیں۔
دونوں خواتین سوشل میڈیا پر اپنے رشتے کا باقاعدہ اعلان کیا ہے، انسٹاگرام پوسٹ میں خاتون کرکٹر نے ایک تصویر شیئر کی جس میں وہ ایک اور خاتون کو بوسہ دے رہی ہیں ۔تصویر میں خاتون انگوٹھی والی انگلی بھی دیکھا رہی ہیں ، البتہ واضح نہیں ہے کہ یہ انگوٹھی منگنی کی ہے یا پھر شادی کی ہے ۔
خیال رہے کہ خاتون کرکٹر ڈینیئل وائٹ نے انگلینڈ کی جانب سے ون ڈے کیریئر میں 1 ہزار 776 رنز اور 27 وکٹیں بھی لی ہیں ,جب کہ ٹی ٹوئنٹی میچز میں 2 ہزار 369 رنز بنائے اور 46 وکٹیں لیں۔
