کوالا لمپور(مانیٹرنگ ڈیسک ) ملائیشیا کی عدالت نے سابق وزیراعظم نجیب رزاق کو کرپشن کے الزامات سے بری کردیا تاہم اختیارات کے ناجائز استعمال اور عوامی اعتماد کو ٹھیس پہنچانے کے دوسرے مقدمے میں 12 سال قید کی سزا برقرار رکھنے کا حکم دیا۔
”پاکستان ٹائم ‘نے غیرملکی میڈیا کے حوالے سے بتایا کہ ہائی کورٹ کے جج نے فیصلے میں کہا کہ سرکاری وکیل سابق وزیراعظم نجیب رزاق کے خلاف سرکاری فنڈز میں خرد برد اور ا?ڈٹ رپورٹ میں تبدیلی کرنے کے الزامات ثابت کرنے میں ناکام رہے۔کرپشن اور سرکاری ریکارڈ میں تبدیلی کے الزامات پر سابق وزیراعظم کو 20 سال تک قید کی سزا ہوسکتی تھی۔
سابق وزیراعظم 69 سالہ نجیب رزاق کو جیل سے لا کر عدالت میں پیش کیا گیا۔ نجیب رزاق منی لانڈرنگ اختیارات کے ناجائز استعمال اور اعتماد کو مجرمانہ ٹھیس پہنچانے پر12 سال قید کی سزا کاٹ رہے ہیں۔ عدالت نے ان کی یہ سزا برقرار رکھی ہے۔
