ریاض(مانیٹرنگ ڈیسک ) سعودی فٹبال کلب النصر کے سٹار فٹبالر کرسٹیانو رونالڈو مسلسل تیسرے میچ میں کوئی گول سکور کرنے میں ناکام رہے، جس کے بعد انہیں ییلو کارڈ بھی ملا جس پر وہ آگ بگولہ ہو گئے ۔
”پاکستان ٹائم “کے مطابق النصر اور ابھا فٹبال کلب کے درمیان میچ کھیلا گیا جس میں النصر نے 1-3 سے کامیابی سمیٹی تاہم اس میچ میں بھی رونالڈو کوئی گول سکور نہ کرسکے البتہ انہیں النصر کلب جوائن کرنے کے بعد پہلی بار ییلو کارڈ بھی مل گیا، منگل کے کوارٹر فائنل میں النصر کو 2-0 کی برتری حاصل تھی جب رونالڈو کو ریفری کی جانب سے ییلو کارڈ دیکھایا گیا اور یوں انہیں میدان بدر ہونا پڑا، اس دوران سٹار فٹبالر نے غصے میں گیند کو لات مار کر دور پھینک دیا تھا،اس سے قبل بھی سٹار فٹبالر نے الاتحاد کے ہاتھوں شکست کے بعد میدان سے جاتے ہوئے پانی کی بوتلوں کو ٹھوکر ماری تھی جس کی ویڈیو سوشل میڈیا پر وائرل ہوئی تھی۔
