لاہور (مانیٹرنگ ڈیسک)ماہ رمضان میں زائرین کتنی بار عمرہ کر سکیں گے سعودی وزارت حج نے اہم اعلان کردیا ۔ رمضان میں عمرہ کی ادائیگی کے خواہش مند افراد صرف ایک مرتبہ ہی اس موقع سے مستفید ہوسکیں گے۔
”پاکستان ٹائم “ کے مطابق اس اقدام کا مقصد ان تمام زائرین کو موقع فراہم کرنا ہے جو مقدس مہینے کے دوران عمرہ ادا کرنا چاہتے ہیں اور خود کو بغیر مشکل میں ڈالے باآسانی مناسک ادا کر سکتے ہیں۔
سعودی وزارت حج و عمرہ کا کہنا ہے کہ عمرے کی ادائیگی کیلئے ‘نسک’ نامی ایپلی کیشن سے اجازت نامہ جاری کرانا ضروری ہے۔ عمرہ کی تاریخوں میں ترمیم کی اجازت نہیں ہے لیکن اجازت نامےکے وقت میںداخل ہونے سے اور نیا اجازت نامہ جاری کرنے سے پہلے عمرہ کو منسوخ کیا جاسکتا ہے۔واضح رہے کہ سعودی وزارت حج و عمرہ نے اس سے قبل نسک ایپ کے ذریعے ماہِ مبارک کے لیے عمرہ اجازت نامے کی دستیابی کا اعلان کیا تھا۔
