ممبئی: (ویب ڈیسک) معروف بھارتی وی لاگر پرم جوت سنگھ نے اسلام قبول کرنے کی وجہ بتاتے ہوئے کہا کہ اسلام کے بارے میں تحقیق شروع کی تو بہت سی نئی چیزیں سیکھیں، جس سے میرا تصور آہستہ آہستہ بدل گیا۔
معروف بھارتی وی لاگر پرم جوت سنگھ نے اپنے یوٹیوب چینل پر ویڈیو شیئر کرتے ہوئے کہا کہ پہلے اسلام کے بارے میں میرا بھی غلط تصور تھا اور دہشت گردی اور انتہا پسندی کے حوالے سے جانتا تھا تاہم اسلام کے بارے میں تحقیق شروع کی تو بہت سی نئی چیزیں سیکھیں، جس سے میرا تصور آہستہ آہستہ بدل گیا۔ پرم جوت سنگھ نے اعتراف کیا کہ انکا تعلق پنجاب سے ہے اور وہ ایک ہندو سکھ تھے تاہم اب انہوں نے اسلام قبول کرلیا ہے۔ انہوں نے کہا کہ وہ اسلام قبول کرنے کے اعتراف میں بلکل ہچکچاہٹ کا شکار نہیں تھے البتہ جب ویڈیوز بنانا شروع کیا تھا جو مجھے ویوز حاصل کرنے تھے تاہم اس دوران میرا ذہن بدلا اور اسلام کی طرف مائل ہوگیا۔
