ریاض: (ویب ڈیسک) مکہ مکرمہ میں موسلادھار بارش نے جل تھل ایک کر دیا۔ عمرہ زائرین نے بارش کے دوران طواف کعبہ جاری رکھا۔ میزاب رحمت سے برسنے والے بارش کے پانی سے روح پرور مناظر دیکھے گئے۔ تفصیلات کے مطابق مکہ مکرمہ اور گردونواح میں کالی گھٹائیں خوب جم کر برسیں جس سے جل تھل ایک ہوگیا۔ مسجد الحرام میں برسنے والی بارش کے دوران عمرہ زائرین نے طواف کعبہ جاری رکھا اور باران رحمت برسنے پر اللہ کا شکر ادا کیا۔ بیت اللہ کی چھت سے میزاب رحمت کے ذریعے بارش کے پانی کے روح پرور مناظر دیکھنے میں آئے۔
