مدینہ: (ویب ڈیسک) رمضان المبارک کے آخری عشرے میں مسجد نبویؓ میں 4ہزار200مرد اور خواتین اعتکاف بیٹھیں رہے ہیں۔
عرب نیوز کے مطابق مسجد نبوی ﷺ میں معتکفین کے لیے انتظامات مکمل کرلیے گئے ہیں اور رمضان کے آخری عشرے میں 4 ہزار 200 معتکفین مسجد نبوی ﷺ کے مہمان ہوں گے۔ مرد معتکفین کے لیے مسجد نبوی ﷺ کی مغربی چھت مختص کی گئی، مرد معتکفین باب نمبر چھ اور داخلی سیڑھیوں اور باب نمبر 10 کو آمد و رفت کے لیے استعمال کریں گے۔ خواتین معتکفات کے لیے مسجد نبوی ﷺ کے شمال مشرقی حصے اور داخلے کے لیے باب 24 اور 25 مختص کیے گئے ہیں۔ مسجد نبوی ﷺ کے امور کی کمیٹی کی جانب سے جاری بیان میں کہا گیا ہے کہ معتکفین کے لیے سحری اور افطاری میں طعام اور مشروبات کا بندوبست کیا گیا ہے اور طبی سہولیات بھی فراہم کی جائیں گی۔ اس کے علاوہ اعتکاف بیٹھنے والوں کے لئے ان کی زبانوں میں دینی درس دینے کا انتظام بھی کیا گیا ہے تاکہ وہ اس عبادت کے زیادہ سے زیادہ فیوض سمیٹ سکیں۔
