ریاض (مانیٹرنگ ڈیسک) سفارتی تعلقات بحال ہونے کے بعد ایران کا سفارتخانہ سات سال کے عرصے کے بعد ایک مرتبہ پھر دارالحکومت ریاض میں کھول دیا گیا ہے۔ایرانی وفد کے سعودی عرب پہنچنے کے چند گھنٹوں بعد ہی سفارتخانے کے دروازے کھول دیے گئے تھے۔اس کے علاوہ اسلامی تعاون تنظیم میں ایران کے مسقتل مندوب کی سرگرمیوں کے لیے بھی ضروری اقدامات کرے گا۔
”پاکستان ٹائم “ کے مطابق ایرانی وزارت خارجہ کے ترجمان ناصر کنعانی نے کہا کہ ’ایران اورسعودی عرب کےدرمیان ہونے والے معاہدے کے تحت سفارتی سرگرمیوں کو بحال کرتے ہوئے ایرانی تکنیکی وفد بدھ کی دوپہر ریاض پہنچا جہاں سعودی حکام نے ان کا استقبال کیا۔ایرانی وفد کے سعودی عرب پہنچنے کے چند گھنٹوں بعد ہی سفارتخانے کے دروازے کھول دیے گئے تھے۔ترجمان ناصرکنعانی نے مزید کہا تھا کہ ’ایرانی وفد ریاض میں سفارتخانہ اور جدہ میں قونصل خانہ کھولنے کے علاوہ اسلامی تعاون تنظیم میں ایران کے مسقتل مندوب کی سرگرمیوں کے لیے بھی ضروری اقدامات کرے گا۔
واضح رہے کہ ایران کی وزارت خارجہ نے کہا تھا کہ سعودی عرب میں ایک تکنیکی وفد بھیجا جائے گا، اس وقت تکنیکی وفد ریاض میں موجود ہے۔
