ممبئی (مانیٹرنگ ڈیسک)بھارت کی ائیرلائنز ائیر انڈیا کے طیارے میں بچھو نکل آیا اور دوران پرواز بچھو نے مسافر خاتون کو کاٹ لیا۔ائیرپورٹ پر اترنے کے بعد خاتون کا معائنہ کیا گیا اورہسپتال میں علاج کے بعد خاتون کو ڈسچارج کردیا گیا۔
”پاکستان ٹائم“ کے مطابق بھارتی میڈیاکا کہنا ہے کہ بچھو کے خاتون کو کاٹنے کا واقعہ ائیر انڈیا کی ناگپور سے ممبئی جانے والی پرواز میں پیش آیا۔ائیرپورٹ پر اترنے کے بعد خاتون کا معائنہ کیا گیا اورہسپتال میں علاج کے بعد خاتون کو ڈسچارج کردیا گیا۔بھارتی ائیرلائن کے مطابق طیارے کا مکمل معائنہ کر کے بچھو کو تلاش کرلیا گیا اور جہاز میں فیومیگیشن بھی کی گئی ہے۔اس سے قبل بھارتی ایئرلائن کے طیاروں میں سانپ، چوہے اور پرندے ملنے کے واقعات بھی ہو چکے ہیں۔
