نئی دہلی (فارن ڈیسک) بھارتی ریاست تلنگانہ کے ایک گائوں میلرام میں بیٹے نے اپنی 45 سالہ والدہ کو شادی کیلئے لڑکی ڈھونڈنے میں ناکامی پر قتل کر ڈالا، پہلےاینٹوں سے بہیمانہ تشدد کیا اور پھر گلا کاٹ کر قتل کردیا۔
یہ بھی پڑھیں : سعودی عرب سے تحفے میں ملی گھڑی کی فروخت، سابق برازیلین صدرکی گرفتاری کا امکان
بھارتی پولیس کے مطابق قتل کی جانے والی خاتون کی بیٹی نے پولیس میں شکایت درج کرائی جس کے بعد پولیس نے کارروائی کرتے ہوئے بیٹے سمیت ایک رشتے دار کو گرفتار کرلیا۔پولیس کا کہنا ہے کہ خاتون کو اینٹ سے مارا پیٹا گیا اور پھر پولیس کو گمراہ کرنے کے لیے خاتون کا گلا کاٹ کر اس کی ٹانگیں بھی کاٹ دی گئیں۔ پولیس کے مطابق گرفتار ملزمان نے دوران تفتیش اپنے جرم کا اعتراف بھی کرلیا ہے۔
