تل ابیب(فارن ڈیسک ) سعودی عرب کے قومی دن کے موقع پر اسرائیل نے بھی پیغام جاری کردیا اور مبارک باد دیتے ہوئے کہا ہے کہ اس اہم دن پر خدا آپ کے لیے برکتیں لائے اور ہمارے درمیان امن و اچھے ہمسائے کا تعلق قائم ہو۔ غیرملکی میڈیا کے مطابق اسرائیلی وزارت خارجہ کی جانب سے جاری بیان میں سعودی عرب کے بادشاہ، حکومت اور عوام کو مبارک باد دی گئی اور نیک تمناوں کا اظہار کیا گیا ہے۔ یاد رہے کہ اسرائیلی وزیراعظم نیتن یاہو نے جمعہ کو اقوام متحدہ کی جنرل اسمبلی سے خطاب میں سعودی عرب کے درمیان تاریخی امن معاہدے کے قریب پہنچنے کا دعوی کیا تھا۔
