واشنگٹن(مانیٹرنگ ڈیسک)امریکہ نے اسرائیل کو ویزا فری ممالک کی فہرست میں شامل کر لیا ہے،فیصلے کے بعد اب اسرائیلی شہری بھی امریکہ میں بغیر ویزا داخل ہو سکیں گے،اسرائیلی شہریوں کا امریکا میں ویزوں کے بغیر داخلہ 30 نومبر سے شروع ہو گا۔
یہ بھی پڑھیں:سعودی ولی عہد محمد بن سلمان کی تصویر بنانیوالے پاکستانی مصور کو کیا تحفہ ملا ؟جانیے
غیر ملکی میڈیا رپورٹ کے مطابق اسرائیلی وزیراعظم نیتن یاہو نے امریکی فیصلے کا خیرمقدم کرتے ہوئے کہا ہے کہ امریکی اقدام پر صدر بائیڈن کا شکریہ ادا کرتے ہیں،اس سے اسرائیل،امریکہ تعلقات مزید مضبوط ہوں گے،فیصلے سے متعلق امریکی وزیر خارجہ کا کہنا ہے کہ اسرائیلیوں کیلئے ویزہ فری سفر کا اقدام اسرائیل سے سٹریٹجک شراکت داری کا حصہ ہے،اس اقدام سے اسرائیل میں امریکیوں کو بھی آزاد نقل و حرکت کا موقع ملے گا،امریکی وزیر خارجہ بلنکن کا مزید کہنا تھا کہ اس فیصلے سے خاص طور پر فلسطینی علاقوں میں رہنے والے امریکی شہریوں کا فائدہ ہو گا۔
یہ بھی پڑھیں:سعودی عرب کے قومی دن کے موقع پر اسرائیل نے بھی پیغام جاری کر دیا
