نیایارک(مانیٹرنگ ڈیسک)سابق امریکی صدر ڈونلڈ ٹرمپ کی ٹیکس تفصیلات لیک کرنے والے ملزم پر فرد جرم عائد کر دی گئی۔
یہ بھی پڑھیں:معروف امریکی اخبار’واشنگٹن پوسٹ‘ نے بھارتی وزیر اعظم نریندرا مودی کا فاشٹ چہرہ بے نقاب کر دیا
برطانوی نشریاتی ادارے کے مطابق پراسیکیوٹرز نے بتایا کہ امریکی ٹیکس کے امور دیکھنے والی باڈی آئی آر ایس کے کنٹریکٹر چارلس لٹل جون نے سابق صدر کی ٹیکس کی تفصیلات چوری کر کے ایک خبر رساں ادارے کو دیں،ملزم پر الزام ہے کہ اس نے ہزاروں امریکی دولت مندوں کی ٹیکس انفارمیشن بھی چرائیں۔امریکی محکمہ انصاف نے کہا کہ ملزم کی جانب سے یہ ڈیٹا دوسرے ادارے کو بھی فراہم کیا گیا اور عدالتی دستاویزات سے یہ واضح ہوتا ہےکہ ملزم کے دیے گئے ڈیٹا کی بنیاد پر دو خبر رساں اداروں نے اس پر متعدد کالمز شائع کیے۔برطانوی میڈیا کا کہنا ہے کہ عدالت میں پیش کی جانے والی دستاویزات میں کسی حکومتی عہدیدارکا نام موجود نہیں ہے لیکن یہ تصدیق کی جا سکتی ہے کہ یہ سابق صدر ڈونلڈ ٹرمپ کی دستاویزات ہیں،عدالتی دستاویزات میں یہ دعوی کیا گیا ہے کہ 2017 سے 2021 کے درمیان لٹل جون نے نامعلوم شخص کی حیثیت سے آئی آر ایس میں کنسلٹنسی کی جسے بعد میں محکمہ خزانہ کے ٹیکس امور دیکھنے کے لیے کنٹریکٹ میں تبدیل کر دیا گیا جب کہ اس دوران ملزم نے ٹیکس کی تفصیلات چوری کیں جن میں 15سال پرانی تفصیلات بھی شامل ہیں،دستاویزات میں یہ بات سامنے آئی ہے کہ سابق امریکی صدر ٹرمپ نے 2016 اور 2017 میں 750 ڈالر فیڈرل انکم ٹیکس ادا کیا جب کہ انہوں نے سن 2000 سے 2015 تک کوئی ٹیکس ادا نہیں کیا۔
یہ بھی پڑھیں:بھارتی ریاستی دہشتگردی کیخلاف آواز بلند کریں،مقبوضہ کشمیر میں پوسٹر آویزاں
