تہران(فارن ڈیسک) سعودی عرب اور ایران کے تعلقات میں نیا مگر شاندارموڑ آگیااور ایران میں داخلے کیلئے سعودی شہریوں کو ویزا سے مستثنی قرار دینے کا فیصلہ کرلیاگیا ہے ۔ عرب میڈیا نے بتایا کہ ایران نے سعودی عرب کو ان 33ملکوں میں شامل کرلیا جنہیں ویزا سے مستثنی قرار دینے کا فیصلہ کیا گیا ہے،دیگر ممالک میں انڈیا، روس، امارات، بحرین، قطر، کویت، لبنان بھی شامل ہیں۔ ایرانی وزیر برائے ثقافتی ورثہ اور سیاحت عزت اللہ زرغامی نےبتایاکہ حکومت عملی طور پر ملک کے دروازے دنیا کے لیے کھولنے کے لیے پرعزم ہے، سیاحت دنیا کے تمام لوگوں کا حق ہے اور ایران طبی سیاحت کے علاوہ قدرتی طور پر پرکشش ممالک میں شمار ہوتا ہے اور اس کے لوگ مہمان نواز ہیں ۔
