بھارت کی ایک فیکٹری میں زوردار دھماکہ، کم از کم 9 افراد مارے گئے

ناگپور(فارن ڈیسک ) بھارتی ریاست مہاراشٹر کی ایک فیکٹری میں زور دار دھماکے کے نتیجے میںکم از کم 9 افراد بری طرح جھلس کر جاں بحق او ر کئی زخمی ہوگئے ۔ بھارتی میڈیا کے مطابق ایک سولر ایکسپلوسیو کمپنی میںہونے والادھماکا اتنا زور دار تھا کہ آس پاس کی عمارتیں لرز اٹھیں۔ فیکٹری کے اس حصے میں دو درجن سے زائد مزدور موجود تھےجہاں دھماکہ ہوا۔ فائر بریگیڈ کے عملے نے دو گھنٹے کی مشقت کے بعد آگ پر قابو پالیا۔ ناگپور پولیس کے سپرنٹنڈنٹ ہرش پودار نے بتایا کہ دھماکا فیکٹری کے کاسٹ بوسٹر پلانٹ میں پیکنگ کے وقت ہوا تاہم دھماکے کی وجہ کا تعین نہیں کیا جا سکا جس کے لیے انکوائری کمیٹی تشکیل دیدی گئی۔