پیرس (فارن ڈیسک ) بھارت سے وسطی امریکی ملک نکارگوا جانیوالے طیارے کو فرانس پہنچنے والے ائیرپورٹ پر روک لیا گیا اور دوافراد کو گرفتار کرلیا گیا، یہ طیارہ ایندھن بھروانے کے لیے فرانسیسی ائیرپورٹ پر اترا تھا۔ فرانسیسی حکام کے مطابق دبئی سے فرانس کے وتری ائیرپورٹ پر لینڈ کرنے والے طیارے میں 300 سے زائد مسافر سوار تھے جن میں سے اکثریت کا تعلق بھارت سے ہے۔فرانس کی سیکورٹی ایجنسیاں طیارے کے مسافروں سے متعلق تفتیش کررہے ہیںاور انہیں انسانی سمگلنگ کا خدشہ ہے۔ یادرہے کہ وتری ائیرپورٹ دارالحکومت پیرس سے 160 کلومیٹر دور ہے۔
