پیانگ یانگ(فارن ڈیسک) شمالی کوریا کے سربراہ کم جونگ ان نے اپنی فوج کو جنگی تیاریاں تیز کرنے اور اسلحہ ساز اداروں اور جوہری ہتھیاروں کے شعبے کو پیداوار بڑھانےکے احکامات جاری کردیئے ہیں۔ غیرملکی میڈیا کاان احکامات پر کہناہے کہ جنگی تیاریاں بڑھانے کا مقصد امریکا کے کسی بھی حارحانہ اقدام کا منہ توڑ جواب دینا ہے، حکمراں جماعت کے اجلاس سے خطاب کرتے ہوئے کم جونگ ان کا کہنا تھا کہ شمالی کوریا ایسے تمام ملکوں سے رابطے اور تعلقات بڑھائے گا جو موجودہ سامراجی قوت کے ساتھ نہیں ہیں یا وہ خود مختار ہیں اور ان کی اپنی آزاد پالیسی ہے ۔
