دبئی(فارن ڈیسک)متحدہ عرب امارات میں ٹیکسی استعمال کرنیوالوں کیلئے بڑا اعلان ہوگیا اور دبئی روڈ اینڈ ٹرانسپورٹ اتھارٹی نے اعلان کیا ہے کہ نئے سال پر دبئی اور دیگر مقامات پر جہاں آتشبازی کا مظاہرہ کیا جاتا ہے ٹیکسی کے کرائے میں اضافہ کیا جائے گا۔ عرب میڈیا کے مطابق ھلا ایپ کے ذریعے ان مقامات پر جانے والی ٹیکسی کے نرخوں میں 100فیصد اضافہ صرف ان دنوں ہو گا جب آتشبازی کے شوز ہو رہے ہوں گے، یہ اضافہ 31دسمبر شام 6بجے سے یکم جنوری 2024صبح 6بجے تک نافذ العمل رہے گا۔ اتھارٹی کا مزید کہناتھاکہ ھلا ٹیکسی سروس اور ریگولر میٹر ٹیکسی دونوں کے لیے نئے فلیگ ڈاون ٹیرف کا اطلاق کمرشل سینٹرز، یکسپو سٹی اور گلوبل ویلج سمیت اہم تقریبات، نمائشوں اور بین الاقوامی کنونشنز کے دوران ہوگا۔
