نئی دہلی (فارن ڈیسک)بھارتی ریاست تری پورہ کے شہر اگرتلہ میں گرل فرینڈ پر جملہ کسنے پر عاشق نے نوجوان کو بے دردی سے موت کے گھاٹ اتار دیا۔ بھارتی میڈیا کے مطابق ایک دکان میں ملازمت کرنے والے سمرت دیبناتھ نامی شخص نے 24 سالہ نوجوان سیان بھومک پر حملہ کیا۔ پولیس کے مطابق سیان بھومک نے سمرت دیبناتھ کی گرل فرینڈ کے حوالے سے نامناسب تبصرے کیے جس پر سمرت طیش میں آگیا اور دونوں کے درمیان جھگڑا شروع ہوگیا،جھگڑے کے دوران سمرت نے پہلے نوجوان کے سر پر ڈنڈے سے حملہ کیا اور پھر اس پر چاقو سے کئی وار کیے جس سےسیان بھومک موقع پر ہی دم توڑ گیا جبکہ سمرت کو گرفتار کر کے مزید قانونی کارروائی شروع کر دی گئی ہے۔
