تہران (فارن ڈیسک) ایران نے ملک سیاحت کی ترقی کیلئے 4 فروری سے سعودی عرب اور بھارت سمیت 28 ممالک کو ویزا سہولت سے مستثنی قرار دینے کا فیصلہ کرلیا ۔ نائب وزیر خارجہ علی رضا بیگ دلی نے کہا ہے کہ بعض ممالک کے شہریوں کے لیے حکومت نے یکطرفہ طور پر بلا ویزا سیاحت سے متعلق حکم نامہ متعلقہ اداروں کو جاری کر دیا ہے، ان ممالک میں سعودی عرب،قطر،متحدہ عرب امارات ،بحرین، اوز بکستان،تیونس،تنزانیہ،جاپان،انڈونیشیا ،سنگاپور، برازیل، سربیا،بوسنیا ہرزیگووینا ،بیلاروس اور بھارت سمیت 28 ممالک شامل ہیں، ان ممالک کے شہری فضائی راستے ایران میں داخل ہوتے وقت حصول ویزا سے مستثنی ہونگے لیکن بری راستوں سے داخلے پر ویزا لینا ہوگا۔
