ریاض (فارن ڈیسک) سعود ی عرب میں رمضان المبارک شروع ہوتے ہی قیدیوں کی رہائی کا عمل شروع ہوگیا ہے ، یہ عمل خادم الحرمین الشریفین شاہ سلمان بن عبدالعزیز کی ہدایت پرکیاگیا، شاہی فرمان کا اطلاق ملکی اور غیر ملکی قیدیوں پر یکساں طور پر ہوگا۔ ایوان شاہی کی جانب سے جاری بیان میں کہا گیا ہے کہ ایسے قیدیوں کی رہائی کا عمل شروع کیا گیا ہے جو سرکاری حق کے زمرے میں قید کاٹ رہے ہیں۔ وزیر داخلہ شہزادہ عبدالعزیز بن سعود بن نایف نے قیدیوں کی رہائی اور ان کے گھروں میں واپسی کے امور کو جلد مکمل کرنے کی ہدایت کی ہے،سعودی فرمانروا کے اس ہمدردانہ اور انسان دوست فیصلے سے رہا ہونے والے افراد کے دلوں پر گہرا اثر پڑے گا۔
