لاہور(مانیٹرنگ ڈیسک ) پاکستان ویمن کرکٹ ٹیم کی کپتان بسمعہ معروف ورلڈ کپ میں شکست کے بعد منصب سے مستعفی ہو گئی ہیں، جبکہ ان کے استعفے کی حیران کن وجہ بھی سامنے ا ٓگئی ہے ۔
تفصیلات کے مطابق بسمعہ معروف کی جانب سے کپتانی سے استعفیٰ دیا گیا ہے جسے چیئر مین پی سی بی نجم سیٹھی نے منظور کر لیا ہے، البتہ بسمعہ بطور کھلاڑی ٹیم میں شامل رہیں گی۔
بسمہ کی قیادت میں قومی ویمن ٹیم کی پرفارمنس کا گراف ملاجلا رہا، کمزور ٹیموں کے خلاف ٹیم کی مجموعی پرفارمنس اچھی رہی جبکہ مضبوط ٹیموں کے خلاف کارکردگی غیر معیاری رہی۔
اعداد شمار کے مطابق بسمہ معروف کی کپتانی میں 62 میں سے 27 ٹی20 میچز میں کامیابی پائی جبکہ 32 میچز میں شکست کا سامنا کرنا پڑا۔ اسی طرح 34 میں سے 16 ون ڈے میچز میں بطور کپتان بسمعہ سرخرو رہیں۔
دوسری جانب پاکستان کرکٹ بورڈ (پی سی بی) مینجمنٹ کمیٹی کے سربراہ نجم سیٹھی نے بسمعہ معروف کا استعفیٰ قبول کرلیا ہے۔
سماجی رابطے کی سائٹ پر نجم سیٹھی نے بسمعہ کے حوالے سے لکھا ہے کہ وہ نئی کھلاڑی کو قیادت سونپنا چاہتی ہیں
اس لیے انہوں نے عہدے سے استعفیٰ دیا ہے ۔
