فیصل آباد(کرائم رپورٹر)فیصل آباد کے علاقے بابر کالونی میں شوہر نے روٹھی ہوئی بیوی کو منانے کیلئے اپنی زبان کاٹ لی، 40 سالہ شخص کی زبان کٹنے کے بعد 2 حصے ہوگئی۔
”پاکستان ٹائم “ کے مطابق بابر کالونی میں 40 سالہ بابرزمان خان نامی شخص کی بیوی جھگڑے کے بعد روٹھ کر میکے چلی گئی جب وہ منانے گیا تو بیوی نے واپس آنے سے انکار کردیا۔خاتون نے شرط عائد کی کہ اگر وہ اپنی زبان بند رکھے گا، زیادہ نہیں بولے گا ڈانٹ ڈپٹ نہیں کرے گا تو ہی وہ گھر آئے گی جس کے بعد شوہر نے قینچی سے اپنی زبان کاٹ لی۔متاثرہ شخص کو فوری طور پر طبی امداد کے لیے ہسپتال منتقل کیا گیا جہاں پولیس نے اسے حراست میں لیا۔زمان خان نے پولیس کو دیے گئے اپنے تحریری بیان میں بتایا کہ اس نے اپنی مرضی سے زبان کاٹی ہے جبکہ پولیس کا کہنا ہے کہ واقعے سے متعلق مزید تحقیقات جاری ہیں۔
پولیس کی ابتداتی تفتیش کے مطابق بیوی نے گھر واپس آنے کےلیے شوہر سے زبان بند رکھنے کی شرط رکھی تھی۔جھگڑے پر خاتون گھر چھوڑ کر میکے چلی گئی تھی، جس کے بعد بیوی نے گھر واپس آنے کے لیے شوہر سے خاموش رہنے کی شرط رکھی تھی۔پولیس کا کہنا ہے کہ زخمی شخص کو طبی امداد کے لیے الائیڈ ہسپتال منتقل کردیا گیا۔
