لاہور(ایجوکیشن رپورٹر ) پنجاب کی جامعات میں رائیڈ فار چینج پروگرام کے تحت طالبات کے لیے سکوٹی ٹریننگ کا آغاز ہوگیا۔
پاکستان ٹائم کے مطابق سٹی ٹریفک پولیس اور ملٹی نیشنل کمپنی کے تعاون سے جاری پروگرام کے تحت لمز یونیورسٹی کے بعد اب یونیورسٹی آف سینٹرل پنجاب میں طالبات کو سکوٹی چلانے کی ٹریننگ دی جارہی ہے۔اس موقع پر طالبات کو فری ڈرائیونگ لرنر پرمٹ بھی جاری کیے جارہے ہیں۔لمز یونیورسٹی میں 500 سے زائد طالبات کو لرنر پرمٹ اور سکوٹی رائیڈ کے بارے بریفنگ دی گئی۔ویمن آن ویل پروجیکٹ کے تحت بھی خواتین کو موٹر سائیکل چلانے کی تربیت مفت فراہم کی جا رہی ہے۔سی ٹی او لاہور کے مطابق وویمن آن ویلز سکول ایل او ایس میں خواتین کی ٹریننگ کا 70 واں بیج زیر تربیت ہے اور اب تک 6 ہزار سے زائد خواتین کو ٹرینڈ کیا جا چکا ہے۔کورس کے اختتام پر خواتین کو ڈرائیونگ لائسنس بھی جاری کئے جارہے ہیں۔انہوں نے مزید کہا کہ خواتین ویمن آن ویل سکول میں داخلے کیلیے ہیلپ لائن 15 پر کال یا راستہ ایپ سے رہنمائی حاصل کر سکتی ہیں۔وومن آن ویلز پروجیکٹ اور رائیڈ فار چینج پروگرام کامقصد خواتین کو زیادہ پر اعتماد اور خود مختار بنانا ہے۔
