اسلام آباد(بزنس رپورٹر) اقتصادی سروے رپورٹ میں ملک میں گدھوں کی تعداد کے حوالے سے اعداد و شمار جاری کیے گئے ہیں،گدھوں کی تعداد مزید 1لاکھ بڑھنے کے بعد 58لاکھ تک جا پہنچی،بھیڑوں کی تعداد 3کروڑ 23لاکھ ،بکریوں کی تعداد 8کروڑ 47لاکھ ہو گئی ہے۔
پاکستان ٹائم کے مطابق جاری کئے گئے اعداد و شمار کے مطابق ملک میں گدھوں کی تعداد مزید ایک لاکھ بڑھ گئی ہے، جس کے بعد گدھوں کی تعداد 57لاکھ سے بڑھ کر 58لاکھ ہو گئی ہے۔اقتصادی سروے رپورٹ میں بتایا گیا ہے کہ ایک سال میں بھینسوں کی تعداد میں 13لاکھ کا اضافہ ہوا جس کے بعد ملک میں بھینسوں کی تعداد 4کروڑ37لاکھ سے 4کروڑ 50لاکھ ہو گئی ہے۔
اقتصادی سروے میں بتایا گیا ہے کہ ایک سال میں بھیڑوں کی تعداد میں 4لاکھ کا اضافہ ہوا، اضافے کے بعد ملک میں بھیڑوں کی تعداد 3کروڑ 23لاکھ ہو گئی ہے۔
اقتصادی سروے رپورٹ میںبکریوں کی تعداد کے حوالے سے بھی بتایا گیا کہ ملک میں بکریوں کی تعداد میں بھی 22 لاکھ کا اضافہ ہوا، ملک میں بکریوں کی تعداد 8کروڑ 25 لاکھ سے 8کروڑ 47لاکھ ہو گئی ہے۔اقتصادی سروے کے مطابق ملک میں گھوڑوں، اونٹوں اور خچروں کی تعداد میں کوئی اضافہ نہیں ہوا، گھوڑوں کی تعداد 4لاکھ اور خچروں کی تعداد 2لاکھ برقرار رہی جبکہ ملک میں اونٹوں کی تعداد 11لاکھ پر برقرار رہی۔
