کراچی (وقائع نگار)پاکستان میں پہلی بار ایئر ٹیکسی سروس کے آغاز کے لیے معاملات حتمی مرحلے میں داخل ہو گئے ہیں۔ ایئر ٹیکسی سروس کا 18 جون کو باقاعدہ آغاز کر دیا جائے گا۔
تفصیلات کے مطابق ائیر ٹیکسی سروس فراہم کرنے والی کمپنی اسکائی ونگز ایوی ایشن کے مالک عمران اسلم خان کا کہنا ہے کہ ایئر ٹیکسی سروس کے لیے آن لائن ایپلی کیشن بھی چند روز میں دستیاب ہو جائے گی۔ایئر ٹیکسی سروس کے لیے کمپنی کی جانب سے جدید 2 طیارے کراچی پہنچ گئے ہیں۔ ایئر ٹیکسی سروس کے ذریعے ملک بھر کے دور دراز علاقوں میں ہنگامی بنیادوں پر آمدورفت ممکن ہو سکے گی۔سی ای او اسکائی ونگز ایوی ایشن نے میڈیا کو بتایا کہ ایئر ٹیکسی طیاروں کی لینڈنگ اور ٹیک آف ایئر اسٹرپس پر بھی ممکن ہو گی،سی ای اوکے مطابق ابتدائی طور پر ایئر ٹیکسی سروس کو پاکستان کے 9 ایئر پورٹس کے علاوہ پرائیویٹ ایئر پورٹس، رحیم یار خان اور بلوچستان کے لیے آپریٹ کیا جائے گا۔
