لاہور(سٹاف رپورٹر)پنجاب انفارمیشن ٹیکنالوجی بورڈ اور محکمہ یوتھ افیئرز اینڈ سپورٹس کی جانب سے نوجوانوں کو باعزت آن لائن روزگار فراہم کرنے کیلئے ای روزگار ٹریننگ پروگرام کے نئے مرحلے کیلئے درخواستوں کی وصولی جاری ہے،پروگرام میں داخلہ لینے کے لیے درخواستیں جمع کرانے کی آخری تاریخ 31 اگست ہے۔
یہ بھی پڑھیں:پی ٹی اے اور پی آئی ٹی بی کا اشتراک،ارفع ٹاور میں انٹرنیٹ ایکسچینج پوائنٹ کا افتتاح
صوبہ بھر سے پنجاب ڈومیسائل رکھنے والے بے روزگار نوجوان ٹیکنیکل،کانٹینٹ مارکیٹنگ اینڈ ایڈورٹائزنگ،کری ایٹو ڈیزائن،ای کامرس سمیت 7 مختلف شعبوں میں درخواستیں جمع کروا سکتے ہیں۔تربیتی پروگرام میں داخلہ لینے کیلئے عمر کی بالائی حد 35 سال ہے جبکہ کم سے کم تعلیمی قابلیت ماسٹرز رکھی گئی ہے۔
