کراچی (عدالتی رپورٹر ) جوڈیشل مجسٹریٹ ملیر نے خواتین سے مبینہ زیادتی کیس کے ملزم پرنسپل کو جوڈیشل ریمانڈ پر جیل بھیج دیا۔ گلشن حدید میں واقع سکول کے پرنسپل کی خواتین سے مبینہ زیادتی کے ملزم کا جسمانی ریمانڈ مکمل ہونے پر پولیس نے عدالت میں پیش کیا۔ دوران سماعت تفتیشی افسر نے عدالت کو بتایا کہ ملزم سے ابتدائی تفتیش مکمل کرلی ہے جس پر عدالت نے ملزم عرفان غفور کو جوڈیشل ریمانڈ پر جیل بھیج دیا۔ عدالت نے تفتیشی افسر سے آئندہ سماعت پر چالان طلب کرتے ہوئے کیس کی سماعت 20 ستمبر تک ملتوی کردی۔
یہ بھی پڑھیں:گاڑی کی ڈگی سے 2 لاکھ ڈالر برآمد
