اسلام آباد(بیورو رپورٹ)اسلام آباد ہائی کورٹ نے مسلم لیگ ن کو بڑا جھٹکا دے دیا،وفاقی دارالحکومت سے قومی اسمبلی کی تینوں نشستوں پر ن لیگ کے امیدواروں کی کامیابی کے نوٹیفکیشن عدالت عالیہ نے معطل کر دیے۔
”پاکستان ٹائم“کے مطابق اسلام آباد کے حلقہ این 46، 47 اور 48 کی انتخابی عذرداری سے متعلق درخواستوں پر ہائی کورٹ کے سنگل رکنی بینچ کے فیصلے کے خلاف اپیلوں پر سماعت ہوئی،اسلام آباد ہائیکورٹ کے جسٹس میاں گل حسن اورنگزیب اور جسٹس ارباب محمد طاہر نے احکامات جاری کیے ہیں۔اسلام آباد ہائیکورٹ نے این اے 46 سے انجم عقیل اعوان،این اے 47 سے طارق فضل چوہدری اور این اے 48 سے راجہ خرم نواز کی کامیابی کے نوٹی فکیشن معطل کر دیے ہیں۔ن لیگ کے امیدواروں کی کامیابی کو پاکستان تحریک انصاف( پی ٹی آئی ) کے حمایت یافتہ علی بخاری اور عامر مغل نے چیلنج کیا تھا۔واضح رہے کہ تحریک انصاف کے حمایت یافتہ آزاد امیدوار محمد شعیب شاہین ایڈووکیٹ نے قومی اسمبلی کے حلقہ این اے 47 کا نتیجہ اسلام آباد ہائی کورٹ میں چیلنج کیا تھا۔
