ممبئی (شوبز ڈیسک) بھارتی ٹی وی کی معروف اداکارہ اسنیہل رائے نے اپنی عمر سے 21 سال بڑے سیاستدان سے شادی کا انکشاف کیا ہے۔ بھارتی میڈیا رپورٹس کے مطابق اداکارہ اسنیہل رائے ایک انٹرویو میں انکشاف کیا ہے کہ 10 سال سے شادی شدہ ہوں اور شوہر سیاستدان ہیں۔ انہوں نے بتایا کہ میری شادی اس وقت ہوئی جب میں 23 سال کی تھی اور شوہر مدھ ویندرا کمار کی عمر 44 سال تھی، اب ہماری شادی کو 10 سال ہوچکے ہیں، اِس وقت میری عمر 33 اور میرے شوہر کی عمر 54 سال ہے۔ ان کا کہنا تھاکہ میں نے شادی کو کبھی نہیں چھپایا لیکن اس پر کبھی بات بھی نہیں کی، اب مجھے لگتا ہے کہ شادی کا اعلان کر دینا چاہیے۔اداکارہ کے شوہر کا تعلق بھارتی ریاست اترپردیش سے ہے۔
