نیویارک (مانیٹرنگ ڈیسک ) بالی ووڈ کی مشہور اداکارہ پریانکا چوپڑا نے بھارت کو خیر باد کہہ کر انگلش فلم انڈسٹری کو جوائن کر لیا ہے اور بالی وود سے مکمل خاموشی اختیار کر لی ہے ، جس کی وجہ بتاتے ہوئے ان کا کہنا تھا کہ بالی ووڈ میں انہیں کام نہیں مل رہا تھا کیونکہ کچھ لوگوں کے ساتھ ان کے تعلقات خراب تھے۔
” پاکستان ٹائم “نے غیر ملکی میڈیا کے حوالے سے بتایا کہ اداکارہ پریانکا چوپڑا نے ایک حالیہ امریکی پوڈ کاسٹ میں گفتگو کرتے ہوئے بتایا کہ میوزک کمپنی ”دیسی ہٹس کی انجولا اچاریہ “نے انہیں ایک میوزک ویڈیو میں دیکھا اور اس وقت فون کیا جب وہ سات خون معاف کی شوٹنگ کر رہی تھیں، انجولا اچاریہ نے اداکارہ سے پوچھا کہ کیا وہ امریکہ میں میوزک کیریئر کا ا?غاز کرنے میں دلچسپی رکھتی ہیں جس پر پریانکا نے فوری ہاں کر دی۔
پریانکا کا کہنا تھا کہ اس وقت وہ بھی بالی ووڈ سے باہر نکلنے کا راستہ تلاش کر رہی تھیں۔انہوں نے بتایا کہ بالی ووڈ میں انہیں ایک کونے میں دھکیلا جا رہا تھا اور کوئی انہیں کاسٹ نہیں کر رہا تھا، نہ ہی انہیں ویسا کرداد مل رہا تھا جیسا وہ چاہتی تھیں اس لئے انہیں بالی ووڈ سے ایک وقفے کی ضرورت تھی۔
