ممبئی (شوبز ڈیسک) بالی ووڈ کی سینئر اداکارہ نیتو کپور کو سوشل میڈیا پر شادی کے بارے میں شیئر کی گئی ایک پوسٹ پر صارفین کی جانب سے تنقید کا سامنا ہے جبکہ معروف اداکارہ کترینہ کیف کی والدہ نے بھی نیتو کپور کو کرارا جواب دے دیا ہے۔
”پاکستان ٹائم“ کے مطابق نیتو کپور نے اپنی انسٹا سٹوری پر شادی کے بارے میں ایک پوسٹ شیئر کی جس کے بارے میں صارفین کا خیال ہے کہ انہوں نے اس پوسٹ کے ذریعے کترینہ کیف پر طنز کیا ہے ۔ اس پوسٹ میں شادی کے حوالے سے نیتو کپور کی جانب سے یہ لکھا ہوا پڑھا جاسکتا ہے کہ”صرف اس وجہ سے کہ اس نے آپ کو 7 سال تک ڈیٹ کیا،یہ ضروری نہیں ہے کہ وہ آپ سے شادی کرے گا کیونکہ میرے چچا نے 6 سال تک طِب کی تعلیم حاصل کی لیکن اب وہ ایک ڈی جے ہیں“۔سوشل میڈیا صارفین کو نیتو کپور کا شادی کے حوالے سے اس طرح کی پوسٹ شیئر کرنا پسند نہیں آیا۔صارفین کا کہنا ہے کہ نیتو کپور کو کترینہ کیف کے خلاف ہمیشہ ہی کچھ نہ کچھ لازمی بولنا ہوتا ہے اور وہ اب کترینہ کا اپنے بیٹے سے بریک اپ ہونے کے اتنے سالوں بعد بھی ان پر طنز کر رہی ہیں۔
دوسری جانب اب کترینہ کیف کی والدہ سوزین ٹرکویٹ نےفوٹو اینڈ ویڈیو شیئرنگ ایپ پر ایک پوسٹ شیئر کی ہے،جس میں عزت و احترام کے بارے میں بات کی گئی ہے۔اس پوسٹ میں لکھا ہوا پڑھا جاسکتا ہے کہ’مجھے چوکیدار کے ساتھ بھی سی ای او کی طرح احترام سے پیش آنے کی پرورش دی گئی ہے‘۔سوزین ٹرکویٹ کی اس پوسٹ نے فوری طور پر صارفین کی توجہ حاصل کرلی۔صارفین کا خیال ہے کہ انہوں نے اس انسٹا پوسٹ کے ذریعے نیتو کپور کو بالواسطہ طور پر بیٹی کترینہ کیف کو طنز کا نشانہ بنانے پر جواب دیا ہے۔یاد رہے کہ نیتو کپور کے بیٹے رنبیر کپور اور کترینہ کیف نے کچھ عرصے تک ایک دوسرے کو ڈیٹ کیا اور یہ دونوں متعدد فلموں میں ایک ساتھ سکرین پر بھی نظر آئے جیسے کہ فلم ’عجب پریم کی غضب کہانی‘، ’جگا جاسوس‘ اور ’راج نیتی‘۔
