لاہور(شوبز رپورٹر) خبروں میں ”اِن “ رہنے کا ہنر جاننے والی پاکستان کی معروف اداکارہ میرا نے کہا ہے کہ انہیں پسند کا شوہر مل گیا ہے، چاہنے والے جلد شادی کی خبر سنیں گے۔
”پاکستان ٹائم“ کے مطابق اداکارہ میرا نے اپنے ایک انٹرویو میں کہا کہ میرے چاہنے والے جلد میری شادی کی خبر سنیں گے کیونکہ مجھے من چاہا دولہا مل گیا ہے۔اداکارہ میرا جی کا کہنا تھا کہ جب تک پبلک پرائیویٹ جوائنٹ ونچر نہیں ہوتا فلمی صنعت میں بہتری لانا ممکن نہیں ہے کیونکہ انڈسٹری میں بہتری لانے کے لیے بڑے پیمانے پر سرمایہ کاری کی ضرورت ہے، ہر شخص چاہتا ہے کہ موبائل میں ہی سب کچھ مل جائے لیکن فلم انڈسٹری کے ذمہ داران اور حکومت کو ایسے اقدامات کی ضرورت ہے جس سےلوگ سینما کی طرف متوجہ ہوں۔انہوں نے کہا کہ فلم انڈسٹری کے ذریعے ہم پاکستان کے خلاف اٹھنے والی آواز کے خلاف بہتر انداز میں اپنا کردار ادا کر سکتے ہیں۔ فلم انڈسٹری سے اس طرح فائدہ نہیں اٹھایا جا رہا جس کی ضرورت ہے۔
