ممبئی (شوبز ڈیسک) بھارتی اداکارہ اور ماڈل عرفی جاوید نے بالی ووڈ اداکار رنبیر کپور کے خلاف توہین آمیز الفاظ استعمال کرنے کی سختی سے تردید کردی ہے۔
بھارتی میڈیا میں یہ خبریں سامنے آئی تھیں کہ عرفی جاوید نے رنبیر کپور کو اپنے متعلق بیان پر سوشل میڈیا میں سخت تنقید کا نشانہ بناتے ہوئے ان کے خلاف توہین آمیز الفاظ استعمال کئے تھے۔عرفی جاوید نے اب سامنے آ کر وضاحت کی ہے اور بھارتی میڈیا کو بتایا کہ رنبیر کپور کے متعلق انہوں نے کوئی غلط زبان استعمال نہیں کی ہے اور یہ خبریں بے بنیاد ہیں۔انہوں نے کہا کہ میرے دل میں بطور اداکار رنبیر کپور کیلئے بہت زیادہ احترام ہے اور میں ان کے خلاف یا انڈسٹری میں کسی کے خلاف بھی ایسی زبان استعمال نہیں کروں گی۔عرفی جاوید نے میڈیا پر زور دیا کہ وہ ان سے متعلق کسی بھی خبر کو لگانے سے قبل اس کی تصدیق کر لیا کریں۔
