کراچی (شوبز ڈیسک) اداکارہ طوبی انور نے انکشاف کیا ہے کہ ان کا اداکاری کے شعبے میں آنے کا کوئی ارادہ نہیں تھا وہ نہ چاہتے ہوئے بھی اس میدان میں آگئی ہیں۔
”پاکستان ٹائم“ کے مطابق طوبی انور نے حال ہی میں نجی ٹی وی میں اپنے انٹرویو کے دوران بتایا ہے کہ جب انہوں نے سکرین کے پیچھے مگر میڈیا کے شعبے میں اپنے کیریئر کا آغاز کیا تھا انہیں اس وقت سے ہی ماڈلنگ، روڈ شو کی میزبانی اور ادکاری کی پیشکش آنے لگ گئی تھیں۔ طوبی انور نے بتایا کہ شوبز انڈسٹری میں ابتدائی طور پر وہ سکرین کے پیچھے کیمرہ ٹیم کا حصہ تھیں اور ان کا اداکاری میں آنےکا کوئی ارادہ نہیں تھا۔ طوبی انور نے بتایا کہ ان کے آس پاس کے افراد کا کہنا تھا کہ میرا چہرہ اچھا ہے مجھے سکرین پر آنا چاہیے۔طوبی انور نے کہا کہ پھر انہوں نے ایک بار اپنی ایک دوست کی تجویز پر آڈیشن دیا اور ڈرامے میں کردار کے لیے سلیکٹ ہو گئیں اور اس طرح وہ نا چاہتے ہوئے بھی اداکاری کے شعبے میں آ گئیں۔
