کراچی (مانیٹرنگ ڈیسک)پاکستان کے سینیئر ٹی وی اداکار شبیر رانا طویل علالت کے بعد کراچی میں انتقال کرگئے۔ سینیئر اداکار کے انتقال کی خبر انکے بیٹے ازلان شاہ نے سماجی رابطے کی ویب سائٹ انسٹاگرام پر دی۔ ازلان شاہ نے بتایا کہ انکے والد کی نماز جنازہ آج بعد نمازِ عصر رحمانیہ مسجد طارق روڈ میں ادا کی جائے گی۔
”پاکستان ٹائم“ کے مطابق سینیئر اداکار کے انتقال کی خبر انکے بیٹے ازلان شاہ نے سماجی رابطے کی ویب سائٹ انسٹاگرام پر دی۔ ایک پوسٹ میں انہوں نے اپنے والد کی تصویر شیئر کرتے ہوئے بتایا کہ میرے والد شبیر رانا آج صبح رضائے الٰہی سے انتقال کرگئے ہیں۔ ازلان شاہ نے مزید بتایا کہ انکے والد کی نماز جنازہ آج بعد نمازِ عصر رحمانیہ مسجد طارق روڈ میں ادا کی جائے گی۔خیال رہے کہ اداکار شبیر رانا بیماری کے باعث گزشتہ کئی روز سے قومی ادارہ برائے امراضِ قلب میں زیرِ علاج تھے۔ شبیر رانا کو عید الفطر کی تعطیلات کے دوران دل کا دورہ پڑا تھا جس کے باعث انہیں فوری طور پر ہسپتال لایا گیا تھا۔
