ممبئی(مانیٹرنگ ڈیسک)بالی ووڈ اسٹار سلمان خان نے آن لائن اسٹریمنگ پلیٹ فارم زی فائیو کے ساتھ اپنے کیرئیر کا سب سے بڑا معاہدہ طے کرلیا۔کنگ خان اس معاہدے کے تحت زی فائیو سے 500 کروڑ وصول کریں گے۔
بھارتی میڈیا رپورٹ کے مطابق سلمان خان نے آن لائن اسٹریمنگ پلیٹ فارم زی فائیو کے ساتھ 500 کروڑ روپے کا معاہدہ کر لیا ہے جس کے تحت آئندہ 5 سال تک ریلیز ہونے والی اداکار کی ساری فلموں کے حقوق زی فائیو کے پاس ہوں گے۔ رواں سال جنوری کے بعد تمام آنے والی فلموں کے سیٹلائٹ حقوق پر زی فائیو کا اختیار ہوگا جبکہ ’کسی کا بھائی کسی کی جان اس ڈیل کے بعد زی فائیو پر اسٹریم کی جانے والی پہلی فلمہوگی۔اس سے قبل سلمان خان کی فلم ’رادھے‘ بھی زی فائیو پر اسٹریم کی گئی تھی جس نے سنیما گھروں میں تو خاص کامیابی نہ سمیٹی تاہم پلیٹ فارم پر ریکارڈ توڑ دیے تھے۔
