‘ ممبئی (شوبز ڈیسک )بالی ووڈ اداکارہ پرینیتی چوپڑا نے کہا کہ وہ اپنے والد جیسا شوہر نہیں چاہتیں، کئی وجوہات ہیں، میرے والد کے مطابق لڑکوں کو کچن میں جانیکی اجازت نہیں ، پتہ نہیں کیوں لیکن مجھے لگتا ہے ان کی غلطی نہیں ہے، وہ ایسے ہی بڑے ہوئے ہیں۔ اداکار عامر خان سے گفتگو کرتے ہوئے پرینیتی چوپڑا نے کہا کہ میں نے بہت لوگوں سے سنا ہے یہ کہتے ہوئے کہ مجھے اپنے پاپا جیسا شوہر چاہیے تھا لیکن میں نے کبھی ایسا نہیں کہاجس پر عامر خان کی جانب سے پوچھا گیا کیوں؟ اداکارہ نے کہا کہ کیونکہ میرے والد بہت سخت ہیں، انہیں بھی لگتا ہے کہ رونا غلط ہے، اگر میرے بھائی روتے ہیں تو وہ انہیں بولتے ہیں کیا لڑکیوں کی طرح رو رہے ہو۔ اداکارہ نے یہ بھی کہا کہ میرا خیال ہے بہت غرور ہوتا ہے مردوں میں،اپنے جذبات کا اظہار کرنا ٹھیک ہے چاہے آپ مرد ہی کیوں نہ ہوں اور اپنے آپ کو ظاہرکرنے سے آپ کم نہیں ہوجائیں گے۔ یادرہے کہ اداکارہ پرینیتی چوپڑا نے گزشتہ دنوں بھارتی سیاستدان عام آدمی پارٹی کے رکن پارلیمنٹ راگھو چڈھا سے منگنی کی ہے۔
