ابوظہبی (شوبز ڈیسک) ابوظہبی میں بالی ووڈ کے سب سے بڑے فلم ایوارڈز آئیفا 2023 کی تیاریاں مکمل کر لی گئی ہیں۔ خیال رہے کہ گزشتہ 2 برس سے مسلسل فلمی ستاروں کا یہ میلہ متحدہ عرب امارات کے دارالحکومت ابوظہبی میں سج رہا ہے، رواں برس ایک بار پھر بالی ووڈ کے جھلملاتے ستاروں کی میزبانی کے لئے ابوظہبی تیار ہے۔ آئیفا ایوارڈز 2023 کی شاندار تقریب 26 اور 27 مئی کو یاس آئی لینڈ کے اتحاد ارینا میں منعقد کی جائے گی، منتظمین بالی ووڈ ستاروں کے اعزاز میں ایک ناقابل فراموش جشن کے لئے پرعزم ہیں۔ گزشتہ برس کی طرح اس سال بھی 26 مئی کو منعقدہ موسیقی اور فیشن سے بھر پور آئیفا راکس کی اس تقریب کی میزبانی معروف اداکار راجکمار را اور ہدایت کار فرح خان کریں گے۔ آئیفا ایوارڈز 2023 کا گرینڈ فائنل کی باوقار تقریب 27 مئی کو منعقد ہوگی ، جس کی میزبانی اداکار ابھیشیک بچن اور وکی کوشل کریں گے جبکہ سلمان خان اور نورا فتحی سمیت دیگر بالی ووڈ اسٹارز اپنی شاندار پرفارمنس سے اس شام کا رنگ مزید جمع دیں گے۔
